.2-Bosqich, 4-tur!
2-Bosqich, 4-tur!

1-Sadaqa fitr berishlik qaysi amalga kiradi?

a) Vojib
b) Sunnat
c) Farz
2- Zakot berish kimlarga vojib hisoblanadi?

a) Balog'at yoshidan o'tgan hammaga
b) Ozod, qarzdor kishilarga
c) Balog'atga yetgan, ozod, moli nisobiga yetganlarga
3- Vojib Namozi qaysi Namozlar?

a) Kunlik 5 vaqt Namoz
b) Ramazon va Qurbon hayitdagi Namoz
c) Sunnat Namoz
d) Xuftondan keyingsi vitr Namoz
4- Tahorat qilganda, har bir a'zoni uch martadan yuvish, tahoratning ______! Chiziqchani to'ldiring.

a) Tahoratning sunnati
b) Tahoratning farzi
c) Tahoratning mustahabi
5- Tilni tiyishlik farzi aynga kiradimi?

a) Ha
b) Yo'q 2-Bosqich 4-tur JAVOBLAR

1- Sadaqa fitr berishlik vojib amaliga kiradi.

a) Vojib
b) Sunnat
c) Farz

Izoh:
Qanday amallar vojib amalga kiradi?
Vitr namozini o'qish, hayit namozlarni o'qish, sadaqa va fitr berish, qurbonlik so'yish, Qur'ondan sajda oyatlari o'qilgan paytda sajda qilish kabilar.
Ibodati Islomiya, Taxsili Zaruriy

2- Zakot berish balog'atga yetgan, ozod, moli nisobga yetganlarga vojib hisoblanadi.

a) Balog'at yoshidan o'tgan hamma
b) Ozod, qardzorkishilarga
c) Balog'atga yetgan, ozod, moli nisobiga yetganlarga

Izoh:
Kimga zakot vojib bo'ladi?
U musulmon, ozod, balog'atga yetgan, aqli rosli kishiga, agar moli to'la nisobga yetsa, o'ziniki bo'lsa va puliga ega bo'lganiga bir yil to'lsa.
Taxsili Zaruriy
3-Vojib namozi Ramazon va Qurbon hayitdagi namoz va Xuftondan keyingi vitr namozilaridir.

a) Kunlik 5 vaqt namoz
b) Ramazon va Qurbon hayitdagi namoz
c) Sunnat namoz
d) Xuftondan keyingi vitr namoz

Izoh:
b va d javoblar to'g'ri.
Vojib namozi qaysilar?
Ramazon hamda Qurbon hayitdagi namoz va Xuftondan keyingi virt namozlari.
Ibodati Islomiya.
4-Tahorat qilganda, har bir a'zoni uch martadan yuvish, tahoratning sunnatiga kiradi.

a) Tahoratning sunnati
b) Tahoratning farzi
c) Tahoratning mustahabi

Izoh:

Tahoratning sunnatlari:

O'n sakkizta bo'lib.

1. «Bismillahir rohmanir rohim», deb boshlamoq.

2. Tahorat qilishni dilga tugmoq.

3. Qo’lni yuvmoq.

4. Tishni misvok yoki qo’l bilan yuvmoq.

5. O’ng qo’lga uch marta suv olib og’iz chaymoq.

6. O’ng qo’lga uch marta suv olib burunni yuvmoq.

7. Qosh, mo’ylov va lab ostiga suv yetkazmoq.

8. Soqol oralariga panja urib ishqalamoq.

9. Oyoq panjalariga qo’l panjalari bilan suv yetkazib chog’ishtirmoq.

10. Yuz, qo’l va oyoqni uch martadan yuvmoq.

11. O’ng qo’lni chap qo’ldan, o’ng oyoqni chap oyoqdan ilgari yuvmoq.

12. Boshga mash tortganda peshonadan boshlamoq.

13. Boshning sochli joyining hammasini ho’llamoq.

14. Ko’rsatkich barmoq bilan quloq ichiga mash tortmoq, bosh barmoq bilan esa quloq

tashqarisiga mash tortmoq.

15. Ikki qo’lning ort tarafi bilan gardanga mash tortmoq.

16. Tahoratning barcha farzlarini o’rniga qo’ymoq.

17. Tahorat orasida boshqa amallar bilan mashg’ul bo’lmaslik.

18. Qo’l va oyoqni yuvganda panja uchidan boshlamoq.

Ibodati Islomiya, Tahorat va namoz hukmlari.

5- Tilni tiyish farzi a'ynga kiradi.

a) Ha

b) Yo'q

Izoh:

Tilni qabohatli gap-so'zlardan tiymoq har bir inson uchun farzi ayndir. Chunki bu narsa katta gunohdir.

Abu Hurayra roziyallohu anhu dan rivoyat qilinadi: "Banda Allohning roziligiga oid bir kalimani gapiradi. Unga e'tibor ham bermaydi. Ammo Alloh u bilan o'sha bandaning dajarasini ko'taradi. Banda Allohning g'azabiga oid bir kalimani gapiradi. Unga e'tibor ham bermaydi. Ammo u bilan do'zahga qulaydi", dedilar.

Buhoriya va Termizi rivoyati..