| Воскресенье, 24.11.2024, 20:52 | Главная | Регистрация | Вход |
|
Izoh FaollariАссалому алейкум. Нима учун кинолар курсатмаяпти. ШУ сылкага боссез скачат кила оласиз |
 Главная » 2013 » Январь » 19 » Шафоатга кимлар ноил бўлади?
19:28 Шафоатга кимлар ноил бўлади? |
Бизни Ўзининг севикли ва охирги пайғамбари Муҳаммад алайҳиссаломнинг умматидан қилган ва «Батаҳқиқ, сизлар учун – Аллоҳдан ва охират кунидан умидвор бўлганлар учун ва Аллоҳни кўп зикр қилганлар учун Расулуллоҳда гўзал ўрнак бор», деган Аллоҳ таолога чексиз ҳамду санолар бўлсин.
Ҳаётларининг ҳар бир лаҳзаси биз учун ибрат бўлган ҳабибимиз ва ҳидоятчимиз, охиратдаги шафоатчимиз Муҳаммад Мустафо соллаллоҳу алайҳи васалламга батамому мукаммал саловоту дурудлар бўлсин.
Ҳар бир мўмин-мусулмон бор эканки, кунлик дуоларида Аллоҳдан қиёматда Пайғамбаримиз соллаллоҳу алайҳи васалламнинг шафоатларига ноил бўлишни илтижо қилиб сўрайди. Хўш, шафоат ўзи нима? Қиёматда кимлар шафоат қилинади? Бу дунёда қандай амал қилганлар у дунё Набийимиз соллаллоҳу алайҳи васалламнинг шафоатларига муяссар бўлади?
Шафоат – Аллоҳ таолога илтижо қилиб, баъзи осий мўминларни авф қилишини сўрашдир. «Шафоат» луғатда бошқа бировга қўшилиб, унга ёрдам бериш ва ёнини олиб, бирор нарсани унинг учун сўрашни англатади. Қиёматдаги шафоат ҳам шундандир. Аллоҳнинг ҳузурида шафоат берувчилар ҳам гуноҳкорларга кўмак берадилар.
Қуръони Карим ва ҳадиси шарифларда қиёмат куни шафоат берилиши ҳақида бир қанча хабарлар келган.
Аллоҳ таоло «Бақара» сурасида қуйидагиларни айтади: «Унинг ҳузурида Ўзининг изнисиз ҳеч ким шафоат қила олмас» (225-оят).
«Тоҳа» сурасида эса: «У кунда Роҳман унга изн берган ва сўзидан рози бўлганлардан бошқага шафоат фойда бермас», деган (109-оят).
Қиёмат кунида ҳеч кимга шафоат фойда бермайди. Биров ўртага тушиб, бировни оқлай олмайди. Фақат, Аллоҳ бу дунёдаги сўзидан – «Лаа илааҳа Иллаллоҳу»ни айтганидан рози бўлиб, Ўзи шафоат қилинишига изн берган киши учунгина шафоат, иншааллоҳ, фойда беради.
Авф ибн Молик розияллоҳу анҳудан ривоят қилинади:
«Набий соллаллоҳу алайҳи васаллам: «Менинг ҳузуримга Роббим ҳузуридан бир келувчи келди ва менга умматимнинг ярми жаннатга кириши ёки шафоат берилишидан бирини ихтиёр қилишимни сўради. Мен шафоатни ихтиёр қилдим. У, Аллоҳга ҳеч нарсани ширк келтирмай ўлган одамгадир, дедилар».
Термизий ривоят қилган.
Пайғамбар соллаллоҳу алайҳи васалламнинг шафоатлари мўмин ҳолида ўлган осий ва гуноҳкор мусулмонларгадир.
Анас розияллоҳу анҳудан ривоят қилинади:
«Набий соллаллоҳу алайҳи васаллам: «Мен жаннатга шафоат берувчи биринчи одамман. Мен Набийлар ичида эргашувчиси энг кўпиман", дедилар».
Муслим ривоят қилган.
Демак, шафоат Қуръони Карим ва ҳадиси шариф билан собит бўлган ёрқин ҳақиқатдир.
Яна уламоларнинг айтишича, Пайғамбаримиз соллаллоҳу алайҳи васаллам, мен қиёматда Аллоҳга кўп сажда қилган ва суннатимга амал қилган умматларимни шафоат қиламан, дерканлар.
Аллоҳим, бизларга бу фоний дунёда Сенга Ўзинг хоҳлагандек банда бўлишликни ва ҳабибинг Пайғамбаримиз соллаллоҳу алайҳи васалламга лойиқ уммат бўлишликни, у дунёда эса Сенинг мағфиратинга, Набийимиз соллаллоҳу алайҳи васалламнинг шафоатларига сазовар бўлишликни насиб этгин. Омин.
|
|
Категория: Aqoid ilmlari |
Просмотров: 1387 |
Добавил: ÂţÎřGůL
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
 |  |
