O’g’lim jigargo’sham, qalbim sururi,

E’tibor berma ko’p g’amgin izlarga.

Yaxshisi, hayotning eng tezkor nuri,

Namoz o’qib duo yubor bizlarga.

Haqqimga duo qil yig’lab hilvatda,

Doim qatnashib yur ilmiy suhbatda.

Dunyoning ishlari bitar,albatta,

Namoz o’qib, duo yubor bizlarga.

Omon bo’lsin deyman hamisha boshing,

Qadr-la shiddatla o’tayotgan yoshing.

O’zingga buyursin yuz kilo oshing,

Namoz o’qib, duo yubor bizlarga.

Unut, tiriklarga tegishli qoida,

O’zga qoidalar biz kelgan joyda.

Yig’lab eslashingdan yo’q ekan foyda,

Namoz o’qib, duo yubor bizlarga.

Ramazon oyida ro’zangni tutib,

Zakoting kerakli manzilga yetib.

Qurbing yetsa Baytni ziyorat etib,

Namoz o’qib, duo yubor bizlarga.

Hayot qadriga yet tirik onlarda,

Hali imkoniyat bordir jonlarda,

Boshqa taom yo’qdir biz tomonlarda,

Namoz o’qib, duo yubor bizlarga.

Ayvosiz shamoldek yelmoqda fursat,

Unda sen iymoniy qirrangni ko’rsat,

Qasrlar qurishni bir zumga to’xtat,

Namoz o’qib, duo yubor bizlarga.

Yangi hayotimga keltirmagin dog’,

Biz yashar maskanlar o’zgacha chorbog’.

Qishda o’tin bo’lar, yozda salqin bog’,

Namoz o’qib, duo yubor bizlarga.

Farzanding talabin hargiz kulib ber,

Ayolingga mayli dunyo olib ber.

Lekin qabrliklar faqat bir so’z der:

Namoz o’qib, duo yubor bizlarga.

Bolam o’ynab kulgin, qandingni urib,

Biroq bir holatni his etgin yurib.

Uyali aloqang o’chirib turib,

Namoz o’qib, duo yubor bizlarga.

Ishin o’ngla yordam kutgan xomushni,

Bajargil yetimdan qogan yumushni.

Va lekin unutma asosiy ishni,

Namoz o’qib, duo yubor bizlarga.

Aza ham o’tadi, o’tar zavqli to’y,

Tugaydi bir kuni jami hayol, o’y,

Boshqa ish foydasin bermas, bilib qo’y,

Namoz o’qib, duo yubor bizlarga.