Assalomu Alaykum barcha Musulmon ahli!
Barcha Ijodiy jamoamiz nomidan siz azizlarni, ushbu Musulmon ahlining Ulug' ayyomi bo'lmish kirib kelayotgan Muborak IYD RAMAZON HAYITI bilan chin dildan qutlab qolamiz!
Olamlarning Robbisi bo'lgan Parvardigorimiz barchamizni ushbu qilayotgan va qilingan ibodatlarimizni o`z dargohida qabul va maqbul aylab, duolarimizni mustajob qilsin! Ushbu Ulug` kunlarda nimai-ki yaxshi va holisona niyat qilgan bo`lsangiz, barchasi ro`yobga chiqishini yaratgan Tangrimizdan so'rab qolamiz! OMIYN!
Bir-birlaringizni shunday ulug' Bayram bilan tabriklab, bir-birlarimizni dillarimizni og'ritmasdan, oralar buzilgan bo'lsa o'zaro oralardagi munosabatlarni iliqlashtirib, qalblarni yaqinlashtirib, kechirimli bo'lib hamda zakotlarni berib, DUOda bo'lishingizni istar edik
Yana shunday Ulug' kunlarda siz Azizlar bilan birga bo'lishlikni ALLOH ta'alo nasibu-ro'zi aylasin!
YANA BIR-BORA AYYOM MUBORAK!!!
Hurmat bilan Taqvo-radio jamoasi
Ўн бир ой кутганди ташрифингни жон, Ўн бир ой безанмиш сен учун Жинон, Соғинчинг қонмасдан, тушди ку ҳижрон! Ал-фироқ, кечалар! Ал-фироқ, айём! Алвидо, Рамазон! Алвидо, Сиём! Вужудинг дилларга имтиҳон эрмиш, Висолу фироқинг иймон синармиш, Қадрингни билганлар қадринг топармиш, Сени севганларга дўзахдир ҳаром Алвидо, Рамазон! Алвидо, Сиём! Сенда инмиш кўкдан Тавроту Инжил, Иброҳим суҳуфи, Забури жамил, Сенда нозил бўлмиш Қуръони Жалил, Сен Калом ойисан, суннатинг қиём, Алвидо, Рамазон! Алвидо, Сиём! Сен мурувват ойи, саховат ойи, Илму амал, тақво, тиловат ойи, Намозу дуо-ю ибодат ойи, Қанийди этсайдинг йил бўйи давом! Алвидо, Рамазон! Алвидо, Сиём! Шайтонлар кишанда, руҳлардир озод, Нафс иши касоду, қалб уйи обод, Малаклар ҳавасда, ёмонлар барбод, Инсон ўзлигини топмишдир тамом, Алвидо, Рамазон! Алвидо, Сиём! «Аллоҳу акбар!», бас, оғиз ёпилар, «Аллоҳу акбар!», бас, рўза очилар, Демакки, ҳар ишда «Аллоҳу акбар!», Аллоҳ улуғ, бас, сен улуғсан мудом, Алвидо, Рамазон! Алвидо, Сиём! Бир кечанг бор сенинг, минг ойдан афзал, Бир тунлик ибодат ‒ минг ойлик амал, Умр қисқалиги етказмас халал, Бу кеча тонггача саломдир, салом! Алвидо, Рамазон! Алвидо, Сиём! Ёғар ташрифингдан ҳар ён баракот, Амал дафтарига тўлар ҳасанот, Кетарсан, дилларга чўкар ҳасарот, Келдинг-у, кетмоққа ростладинг хиром! Алвидо, Рамазон! Алвидо, Сиём! Ким сенда эзгудир, йил бўйи эзгу, Сендан бебаҳрага йўқ абад ёғду, Мағфират топмаган кечгуси қайғу, «Хор бўлсин!» демишлар Соҳиби икром, Алвидо, Рамазон! Алвидо, Сиём! Биз сендан тонмадик, тонма биздан ҳам, Райён эшигида кут бизни бир дам, Шафоатчимиз бўл, рад этмас Эгам, Саломун алайкум, ва алайкум салом! Алвидо, Рамазон! Алвидо, Сиём! Биз армон ютармиз. Майли, яхши бор, Кутармиз ўн бир ой яна интизор, Яна дийдорингга етказсин Ғаффор! Борган келганингга минг бор эҳтиром! Алвидо, Рамазон! Алвидо, Сиём!
|
