Абу Ҳурайра розияллоҳу анҳу ривоят қилади: "Росулуллоҳ соллаллоҳу алайҳи ва олиҳи ва саллам дедилар: - "Бану Исроил кийимсиз,бир-бирларининг авротларини кўрган ҳолда чўмилар,Мусо алайҳиссалом эса якка ўзлари чўмилар эдилар.Буни кўрган Бану Исроил: "Аллоҳга қасам,Мусони даббалиги биз билан бирга чўмилишдан тўсади!" ,дейишарди.Кунларнинг бирида Мусо алайҳиссалом чўмилишга бориб,кийимларини бир тош устига қўйдилар.Тош эса тўсатдан кийимларни олиб қочиб қолди.Мусо алайҳиссалом тошнинг изидан "кийимимни бер эй тош,кийимимни бер эй тош" ,деб деганича шиддатла югурар эди.Бу ҳол Бану Исроилдан баъзилари Мусо алайҳиссаломни авротини кўргунича давом этди.Улар: "Аллоҳга қасам,Мусони ҳеч қандай дарди йўқ эканку!!" ,дейишгач тош тўхтаб,Мусо алайҳиссаломга қарадилар.Мусо алайҳиссалом кийимларини олгач,тошни ура кетдилар". Абу Ҳурайра розияллоҳу анҳу дедилар: "Аллоҳга қасамки,тошда Мусо алайҳиссалом зарбаларидан қолган олтита ё еттита из бор эди.Шунда: "Эй мўъминлар, сизлар (ўз Пайғамбарларингиз Муҳаммад алайҳиссаломга нисбатан бани Исроил қавмидан бўлган) Мусога озор берган кимсалар каби бўлмангизлар! Бас, Аллоҳ (Мусони) улар айтган айблардан поклади. У Аллоҳ наздида обрўли киши эди. (Худди шунингдек Муҳаммад алайҳиссалом ҳам Аллоҳ наздида обрўли кишидир). " ояти нозил бўлган".
Имом Бухорий ва имом Муслим ривоят қилишган..