Muharram oyi hijriy – qamariy taqvim bo‘yicha yilning birinchi oyidir. Birinchi Muharram yangi yilning boshlanish kunidir. Odatda musulmonlar bir-birlarini bu munosabat bilan tabrik etadilar. Biz ham barchalaringizni yangi hijriy yilning boshlanishi bilan chin qalbdan muborakbod etamiz. Alloh taolo bu yilni barchamiz uchun xayr-baraka yili bo‘lishini nasib etsin. Aziz vatanimizni tinch va osoyishta bo‘lishini, xalqimizning baxti-saodati ziyoda bo‘lishini nasib etsin! Omiyn!

Abu Hurayra roziyallohu anhudan rivoyat qilinadi: «Payg‘ambar sollallohu alayhi vasallam: «Ramazondan keyingi eng afzal ro‘za, Allohning Muharram oyi ro‘zasidir. Farz namozdan keyingi eng afzal namoz tungi namozdir», dedilar.
Beshovlaridan faqat Buxoriy rivoyat qilmagan.

Ali roziyallohu anhudan rivoyat qilinadi: «Bir odam kelib Payg‘ambar sollallohu alayhi vasallamdan: «Ramazondan keyin qaysi oy ro‘zasini tutmog‘imni amr qilasiz?», deb so‘radi.

«Agar Ramazondan keyin ro‘za tutuvchi bo‘lsang, Muharramni tut. Chunki, u Allohning oyidir. Unda Alloh bir qavmning tavbasini qabul qilgandir va boshqa qavmlarning tavbasini qabul qiladir», - dedilar».
Termiziy rivoyat qilgan va hasan, degan.

Shayx Muhammad Sodiq Muhammad Yusuf
www.islom.uz                                                                        Islomiy taqvim (Hijriy taqvim) 12 oydan iborat:
Muharram — arab. محـرّ م‎‎
Safar — صفـر‎‎
Robi' ul-avval -ربـيع الأول‎
Robi' ul-oxir — ربـيع الآخر‎ yoki ربـيع الـثاني‎
Jumad ul-avval — جمادى الأول
Jumad ul-oxir — جمادى الآخر‎ yoki جمادى الـثاني
Rajab — رجـب
Sha'bon — شعـبا ن
Ramazon — رمضا ن
Shavvol — شوّ ال
Zul-qa'da — ذو الـقـعـدة
Zul-hijja — ذو الحجة
[tahrir]
Hijriy yildagi muhim sanalar
1 Muharram — yil boshi;
27 Rajab — Isro va Meroj hodisasi;
1 Ramazon — tutilishi farz boʻlgan roʻzaning birinchi kuni;
17 Ramazon — Qur’onning nozil boʻlishi boshlagan kun;
Ramazonning oxirgi 10 kechasi — Laylat ul-qadr kutiladigan kechalar;
1 Shavvol — Iyd al-Fitr, Ramazon Hayiti;
8-10 Zul-hijja — Haj kunlari;
10 Zul-hijja — Iyd al-Adha, Qurbon Hayiti. Bu islom dini haqida tugallanmagan maqoladir.
Iltimos, ushbu sahifani toʻldiring.                                              http://uz.wikipedia.org/wiki/Islomiy_taqvim