ЙИГИТЛАР, ХАЙФ СИЗГА, ЙИГИТМАН ДЕМАНГ
Узбекнинг марду майдон, ориятли,
виждонли, вафодор йигитларига биз
хамиша таъзим киламиз. Улар
юртимизнинг таянчи, фахру
ифтихори, оиламиз устуни ва
химоячиларимиздир. Лекин гуруч
курмаксиз булмаганидек, орамизда
шундай йигитлар борки... бу
шеър ана шу тоифа айрим
"йигитлар"га аталган)
Йигитлар ҳам айтар, ҳам қайтардеган
Зўрни деб ғўрларни ошини еган,
Уйидан оч кетиб, қорни тўқ
келган,
Йигитлар, хайф сизга, йигитман
деманг.
Бўйнига тиллодан занжир осилган,
Кўкси ё билакка сурат босилган,
Танаю, эгнига тақинчоқ илган
Йигитлар, хайф сизга, йигитман
деманг.
Ўлдим деб, куйдим деб белбоғин
ечган,
Суйдим деб отаю, онадан кечган,
Севгани ёр билан май, шароб
ичган
Йигитлар, хайф сизга, йигитман
деманг.
Менман деб ўзини бозорга солган,
Сепи деб қизларнинг сарасин
олган,
Бировнинг номидан ноғора
чалган
Йигитлар, хайф сизга, йигитман
деманг.
Рўзғорни хотиннинг бўйнига илган
Пул топиб келганин миннат ҳам
қилган,
Улфатни уйидан улуғ деб билган
Йигитлар, хайф сизга, йигитман
деманг.
Йилда бир чўнтаги рўзғорга эриб,
Тўрвани хотиннинг қўлига бериб,
Пул санар бозорда кўксини кериб
Йигитлар, хайф сизга, йигитман
деманг.
Аёлин жамолин мактаниб юрган,
Аёллар тўрида даврини сурган,
Аёлар касбидан қандини урган,
Йигитлар, хайф сизга, йигитман
деманг.
Ёрини уйида атаб ялмогиз,
Уйида сен деган, кўча-куйда сиз,
Уришган халоли туғиб берса қиз,
Йигитлар, хайф сизга, йигитман
деманг.
Отаю, онаси йўлларига зор,
Болаю-чақаси, завжаси бедор,
Кўчанинг хандони, уйидан безор
Йигитлар, хайф сизга, йигитман
деманг.
Йигитлик шаънини ўйламасангиз,
Бу каби йигитлик айб демасангиз,
Шундайлар бор экан,
қайтармасангиз,
Йигитлар, хайф сизга, йигитман
деманг.
Muallif :Umida
|
